Министерство природных ресурсов и экологии Чувашской Республики
Çĕнĕ стадион тавра çăка пыл шăрши сарĕ
Районта çулсеренех çуркуннехи-кĕркуннехи тапхăрта ятарласа йывăç лартмалли уйăхлăхсем, ятарлă кунсем йĕркелеççĕ. Октябрĕн 3-мĕшĕнче районта Йывăç кунĕ пулнă. Çак мероприятие кашни ял тăрăхĕ хастар хутшăннă, йывăçсемпе тĕмсем лартнă.
Ятарлă Йывăç кунне райадминистраци работникĕсем те кар тухнă. Çак кунхине вĕсем пулас çĕнĕ стадион йĕри-тавра 500 ытла тĕм пилешпе çăка хунавĕсене лартнă. Çамрăк йывăçсем пурте лайăх тымар ярса чĕрĕлсен, тепĕр темиçе çултан çĕнĕ стадионта çăка таврана симпыл шăршине сарĕ.
 |
"Авангард" (газета Батыревского района)