Тăван тавралăх илемĕшĕн, экологи хăрушсăрлăхĕшĕн тăрăшса районти организацисемпе предприятисем, хуçалăхсем, харпăр хăй территорийĕнче сахал мар ĕçсем туса ирттереççĕ. "Эколидер" конкурса Елчĕк, Аслă Пăла Тимеш ял тăрăхĕсем, "Прогресс" АХО, "Комбайн" ЯХПК, Патреккел шкулĕ активлă хутшăнаççĕ. Патреккелсен сысна, ĕне фермисен территорийĕсенче, пĕве хĕррисенче 1000 тĕп йывăç лартса хăварнă. Кавалсем те асфальт хĕрринче çĕнĕ парк ĕрчетме тĕллев лартнă. Ырă ĕçре 200 ытла çын хăйсен тỹпине хывнă.