Шупашкарта Правительство çурчĕн Пĕчĕк залĕнче Чăваш Республикин Стратегиллĕ аталанăвĕ енĕпе ĕçлекен Канашĕн черетлĕ ларăвĕ пулнă. Унта республикăра тавралăхпа экологиллĕ лару-тăрăва малалла лайăхлатмалли мерăсене сÿтсе явнă. Ларăва Канаш председателĕ В. Кузнецов ертсе пынă. Тĕп доклада ЧР Çут çанталăк ресурсĕсемпе экологи министрĕ С. Дринев туса панă.

Ларура ĕçмелли шыв пахалăхĕ, çÿп-çапа суйлас тата илсе тухас, çакăн валли ятарлă çĕр лаптăкĕсем уйăрас ыйтусене туллин сÿтсе явнă.