Кăçалхи авăн уйăхĕнче çанталăк аван тăчĕ. Çакна кура район халăхĕ те, яваплă организацисемпе ведомствăсем те тавралăха тирпей-илем кĕртес ĕçе хастар хутшăннине палăртрĕ район администрацийĕн строительствăпа обществăлла инфраструктура аталану пайĕнчи экологи ыйтăвĕсемпе ĕçлекен О. Кучук. Цифрăсемпе илсен, пĕр уйăх хушшинче çеç районта 1852 йывăç, 712 тĕмĕ лартнă. Çакăнпа пĕрлех хăрнă тата "чирлĕ" йывăçсенчен те тасатнă территорисене.

Ятарлă икуйăхлăх йывăçсем лартассипе çеç çыхăнман, паллах. Тавралăха санитари енчен тасатасси те пĕлтерĕшлĕ. Вырăнсăр çÿп-çап куписене пĕтерессипе те, çул-йĕрсене, тротуарсене юсаса йĕркене кĕртессипе те çĕр ĕçĕсем хыççăн территорисен типтерлĕхне тавăрассипе те районта тăрăшман мар. Пурнăçламалли ĕçсем, паллă ĕнтĕ, сахал мар. Çак тĕлĕшпе тунă ĕçсен калăпăшĕ юпа уйăхĕнче тата та ÿсмелле.

Ял хутлăхĕсене илсессĕн, уйрăмах Шуршăл (250 йывăç тата 300 тĕмĕ), Октябрьски (440 йывăç), Атăлçи (100 йывăç), Кукашни (46) хутлăхсен территорийĕсенче пурăнакансем активлăх кăтартнă.