Вăрмана экскурсие каясси çинчен пĕлтерсен садикри пĕрремĕш вăтам ушкăнри ачасем питĕ савăнчĕç. Часах пуçтарăнса çула тухрăмăр.

Тăван вăрмана кĕрсенех пĕчĕккисен чун-чĕринче савăк туйăмсем çĕкленчĕç. Сарă, хĕрлĕ, хăмăр, кĕрен çулçăллă йывăçсем, симĕс лăсăллă яштака хырсем çине ачасем киленсе пăхрĕç. Çулçăсем вĕлтĕртетсе тăкăннине, çĕр çине ÿксе хитре кавир евĕр курăннине те савăнса сăнарĕç. Хăйсене килĕшекен чи илемлĕ çулçăсене пĕчĕккисем гербари валли пуçтарчĕç.

Экскурси ачасене питĕ килĕшрĕ. Каялла таврăннă чухне те, ача садĕнче те вĕсем пĕр-пĕрне пÿле-пÿле вăрманта хăйсем курнă интереслĕ пулăмсем çинчен калаçрĕç.