Çурхи шыв инкек ан кÿтĕр
КĂÇАЛХИ ейÿ вăхăчĕ малтанхи çулсенчисенчен урăхларах пулма пултарать. Унăн хăрушлăхĕ тăпрара нÿрĕк çуккипе, çĕр 20-
Шыв юхмалли пăрăхсемпе шахтăсем пăрпа тулса ларни; бетон тата çĕр сийĕ хушшинче шыв юхма пуçлани; плотинари урапа йĕрĕсене (вĕсем транспорт хатĕрĕсем çÿренĕрен пулаççĕ) юр тата çумăр шывĕ тулни; ейÿ тăпрана юхтарса кайни авари сăлтавĕсем пулма пултараççĕ. Çавна май хальхи вăхăтра пăрăхсемпе шахтăсем патне çитмешкĕн çулсем тумалла, вĕсене пăрпа юртан тасатмалла. Ял тăрăхĕсен тата ял хуçалăх предприятийĕсен пуçлăхĕсене сывлăш температури ÿсме пуçласан яланхи дежурство йĕркелеме хушнă. Вĕсен дежурнăйсене сотовăй телефонсемпе, транспортпа тивĕçтермелле, ĕç хатĕрĕсем (пакурсем, лумсем, кĕреçесем, вăрăм чикмексем, вĕренсем т. ыт. те) тупса хумалла. Çавăн пекех пурăнмалли çуртсен, сывлăх сыхлавĕн, вĕренÿ, суту-илÿ тата ытти учреждени объекчĕсен тăррисене юрпа пăртан тасатмалла, кĕперсем, çулсен шыв юхмалли канавĕсем (çĕр айĕнчисем) мĕнле лару-тăрура пулнине тĕрĕслесех тăмалла. Ейÿ сарăлнă кунсенче ертÿçĕсен хăйсене шанса панă территорирех пулмалла, таçта аякка каймалла мар, хăрушлăх сиксе тухсан васкавлă мерăсем йышăнмалла.