Ларт та упра
Çуркуннене ял çынни ĕçпе кĕтсе илет: тасатать, тĕмсем лартать.
Май уйăхне атăлъялсем ĕçпе пуçларĕç. Культура çурчĕпе палăк умне, çырма хĕррине 80 ытла тĕм лартса хăвартăмăр: хурăн, йăмра, сирень, чие йывăççи. Хунавсене йышлă ÿсекен вырăнтан кăларса килтĕмĕр. Культура çурчĕ хыçĕнчи çырмара пурĕ 45 йăмра кашласа ÿсме пуçлĕ.
Хунавсем лартас ĕçе культура çурчĕн пуçлăхĕ Леонид Фадеев поэт ертсе пычĕ. Пурте тăрăшса ĕçлерĕç: Леонидпа Лидия Фадеевсем, Нина Матюшкина, Тамара Шаплина, Антонина Гарашкинăпа унăн ывăлĕ Александр. Хĕрачасем те çак ĕçе хастар хутшăнчĕç: Валерия тата Дарья Плотниковăсем, Александра Иванина.
Çакăнпа кăна ĕçсем вĕçленмĕç. Сăмахран, паян субботник ирттерме палăртнă. Кĕтÿ тухса йывăçсене ватасран карта тытма та палăртаççĕ ял çыннисем.
Николай Смирнов, Атăлъял